63 жастағы әйел алғаш рет ана атанды
Бакуде 63 жастағы әйел алғаш рет ана атанды. Ол 40 жыл бойы сәби сүйе алмай келген. Бұл туралы Stan.kz ақпарат агенттігі хабарлайды.
Мұны медицина ғылымдарының докторы Натиг Магеррамов әлеуметтік желідегі парақшасында бөлісті. Дәрігердің айтуынша, әйел дені сау нәрестені табиғи жолмен дүниеге әкелген.
“Алланың қалауымен ем-домымызды жүргізіп, 63 жастағы пациентіміз ұзақ жыл күткен сәбиін қолына алды. Алла оны аман қылсын. Еміміз зая кетпей, осындай игі істің бастауында тұрғанымыз үшін Аллаға мың да бір шүкір”, – деп жазды ол.
ОқыңызБұл жаңалық желі қолданушыларын әсерлендіріп, көпшілік ана мен сәбиге ақ тілегін жаудырды.
Сәбидің жынысы әзірге ресми түрде жарияланған жоқ. Дегенмен әлеуметтік желіде тараған видеода қуаныштан көзіне жас алған ана нәрестені қызғылт түсті көрпеге орап, бауырына басып отырғаны көрінеді.
Желі қолданушылары бұл оқиғаны “көп жылғы үміттің ақталған сәті” деп бағалап, 63 жаста ана атанған әйелдің қуанышына ортақтасып жатыр.
Қазақстандық әйел қызының балмұздақ жегеннен кейін жансақтау бөліміне түскенін айтты
