Қазақстандық әйел бір күнде алты баланың анасы атанды

Түркістан облысындағы №2 облыстық перинаталдық орталықта биыл алғаш рет үшем дүниеге келді. Үш қыз бала шала туды. Бұл туралы Stan.kz ақпарат агенттігі хабарлайды. 

“Үшемнің ата-анасы – Сайрам ауданы Қарамұрт ауылынан келген жұп. Анасы – логопед Тұрсынай Орынбаева, әкесі – технология пәнінің мұғалімі Мамуржан Орынбаев. Жаңа туған Сафия, Садия және Самияның екі әпкесі мен ағасы бар”, – деп мәлімдеді облыс әкімдігі.

Көпұрықты жүктілікке байланысты 32-аптада дәрігерлер шұғыл кесарь тілігін жасап, нәтижесінде салмағы 1775, 1990 және 1850 грамм болатын үш қыз дүниеге келді. Үшем 22 күн дәрігерлердің бақылауында болып, үйге шығарылды. Осы уақыт ішінде олар салмақ қосып, тиісінше 2018, 2010 және 2008 грамға жетті.

Шала туған сәбилер осы уақыт бойы реанимация және қарқынды терапия бөлімінде, кейін жаңа туған нәрестелер патологиясы бөлімінде мамандардың қатаң бақылауында болды.

Қазір ана мен балалардың денсаулығына қауіп төніп тұрған жоқ. Ерлі-зайыпты медициналық қызметкерлердің кәсібилігі мен қамқорлығы үшін шын жүректен алғыс білдірді.

2024 жылы осы перинаталдық орталықта үш үшем дүниеге келген. 2026 жылдың басынан бері мұнда 1810 сәби өмірге келген, олар үшемдердің алғашқысы. Сонымен қатар орталықта 35 егіз дүниеге келген.