Пойызда ұлттық ұлан сарбазын ұрып-соққан күдіктілер ұсталды (видео)
Ұлттық ұлан сарбазына күш көрсетіп, әлімжеттік жасағандардың кім екені анықталып, ұсталды. Бұл туралы Stan.kz ақпарат агенттігі хабарлайды.
Фото: Видеодан скрин
Ішкі істер министрлігі қылмыстық іс шеңберінде жедел-тергеу іс-шаралары нәтижесінде Ұлттық ұланның мерзімді қызметінің бұрынғы әскери қызметкерін ұрып-соққандардың тұрғылықты жері анықталғанын мәлімдеді.
“Жәбірленушіге дене жарақатын келтірген екі күдікті, яғни оның бұрынғы қызметтестері тұрғылықты жері бойынша бір тәулікте Астана қаласында ұсталды. Екеуі де уақытша ұстау изоляторына қамалды”, – делінген хабарламада.
- Ұлттық ұлан жауынгерінің пойызда соққыға жығылуы: Тоқаев қылмыскерлерді шұғыл түрде ұстауды тапсырды
Тергеу аясында барлық күдіктіден жауап алынды. Олардың әрекеттеріне, сондай-ақ желіде тараған видеоны түсірген адамға да құқықтық баға беріледі. Тергеу жұмыстары жалғасып жатыр.
Бұған дейін желіде Ұлттық ұланның киімін киген әскеридің сарбазды ұрып-соққаны түсірілген видео тараған еді.
"Роллтонның" орнына бешбармақ: Атырау тұрғыны ұлттық тағамды 5 минутта дайындау жолын тапты
Кәсіпкер үшін бешбармақ – тек тез дайындалатын тағам емес
1 миллион теңге айлық, пәтер мен қызметтік көлік: Мемлекет Құрылтай депутаттарына қандай жағдай жасайды
Құрылтай мен бұрынғы Парламент арасында қандай айырмашылық бар