"Ұлттық қауіпсіздік комитетіне жұмысқа тұрғызу үшін 4 миллион теңге берген": Түркістан облысында әйел алаяққа алданды
Түркістан қаласының тұрғыны қызын Ұлттық қауіпсіздік комитетіне жұмысқа орналастырамын деп 4 миллион теңге беріп, алаяққа алданып қалған, деп хабарлайды Stan.kz ақпарат агенттігі “Отырар” порталына сілтеме жасап.
Әйел арманындағы жұмысқа қызын орналастыру үшін 4 миллион теңге беруге дайын болған. Сөйтіп өзі танитын ер адамға қаражатты ұсынған. Азамат та өз кезегінде жұмысқа тұрғызатынын уәде еткен. Ер адам біраз уақыт хабарсыз кеткен соң, әйел өзінің алданып қалғанын түсінген.
2 жылдан кейін әйел полициядан көмек сұраған. Аталған факті ҚР Қылмыстық кодексінің 190-бабы "Алаяқтық" бойынша тіркелді.
Күдікті ҰҚК-мен байланысы жоқ, жұмыссыз, жергілікті тұрғын болып шықты. Ер адам түскен ақшаны өз қажеттіліктеріне жұмсаған.
Қазір тәртіп сақшылары оқиғаның барлық мән-жайын анықтауда.
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
Абыл Кекілбаев төтенше қонулар авиакомпанияларға тек ерекше жағдайда ғана жасалатынын айтты
Алматылықтар арасында маска мен мұрын фильтрі танымал бола бастады: Лас ауадан қорғайтын құралдар шынымен тиімді ме
Масканың көмегі болуы үшін оның FFP2 немесе N95 түрін таңдау керек