Ұлттық қауіпсіздік комитеті Самат Әбіштің қайда екенін мәлімдеді
Ұлттық қауіпсіздік комитеті Нұрсұлтан Назарбаевтың туысы болып келетін ведомствоның бірінші орынбасары Самат Әбіштің қазіргі таңда қайда екенін айтты, деп хабарлайды Stan.kz ақпарат агенттігі.
"Келіп түскен сұрауларға сәйкес, Ұлттық қауіпсіздік комитеті төрағасының бірінші орынбасары Самат Әбіш өз қызметінде екенін хабарлаймыз. Қазіргі уақытта ол жыл сайынғы демалысында", – делінген ресми хабарламада.
Бұған дейін БАҚ-та Самат Әбіштің қызметінен босатылып, қамауға алынғаны туралы ақпарат тараған.
43 жастағы Самат Әбіш – Нұрсұлтан Назарбаевтың інісі Сатыбалды Назарбаевтың ұлы. Самат Әбіш ҰҚҚ бірінші орынбасары болып 2015 жылдан бері қызмет етеді. Генерал-лейтенант шені бар.
- Алматылықтар Сағынтаевтың отставкаға кетуін талап етіп, петиция жариялады
- Әскерилерді шығарып үлгеріп, өзі қаза тапқан: Алматыда подполковник Хаировпен қоштасу рәсімі өтті
Естеріңізге сала кетейік, 6 қаңтарда Ұлттық қауіпсіздік комитетінің басшысы Кәрім Мәсімов мемлекетке опасыздық жасады деген күдікпен қамауға алынды. 13 қаңтарда оның орынбасарлары Әнуар Садықұлов пен Дәулет Ерғожиннің ұсталғаны белгілі болды.
Талқылау
"Декретке миллионмен" дауы: Курстың негізін қалаған депутат Дәулет Мұқаевқа тексеріс жүргізіле ме?
Депутат Дәулет Мұқаев курстағы негізгі ойды түсіндіре келе, әйелдерді заңды жолды ұстануға шақырды
Енді "Отбасы Банк" монополиясы болмайды: Ипотекалық несиелендіру реформасынан қандай жақсы өзгерістер күтеміз
Сарапшы: "Бұл ұзақ мерзімді перспективада банктік жүйеге де оң әсер етеді. Уақыт өте келе қаржыландыру арзандайды, яғни ставкалар төмендеп, неғұрлым қолайлы деңгейге жетеді”