"Ұлттық банктен хабарласады": Алаяқтықтың жаңа түрі таралуда
Қазақстан Ұлттық банкі ақша жымқыру мақсатында азаматтардың жеке деректеріне ие болу үшін Ұлттық банктің қызметкері ретінде телефон шалатын алаяқтардың көбейе бастағанын ескертеді, деп хабарлайды Stan.kz ақпарат агенттігі.
"Ұлттық банк жеке тұлғалардың шоттарына қызмет көрсетпейді, ақшалай есеп айырысу мен мәміле жасамайды. Ұлттық банкте шоттарды тек қана Ұлттық банктің, екінші деңгейлі банктердің, шектеулі заңды тұлғалардың операцияларын есепке алу үшін ашылады", – делінген хабарламада.
Осыған байланысты Қазақстан Ұлттық банкі "ақша жіберіңіз" деген электронды хаттар мен белгісіз нөмірлерден түскен қоңырауға жауап бермеуге кеңес береді.
"Белгісіз банк шоттарының реквизиті көрсетілген аяқ асты ақшаға тап боласыз" деген хабарлама немесе телефон қоңырауы көбінесе алаяқтардың әрекеті екенін байқатады. Ұлттық банктен "ақша жөнелтіңіз" деген сипатта күмәнді хат келсе немесе қоңырау түссе, құқық қорғау органдарына арыздану қажет", – делінген ескертуде.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген