Хуситтер Қызыл теңіздегі әлемдік мұнай тасымалының тағы бір бағытын жапты
Әскери бейсенбі күні хуситтер Йемендегі Мока портты қаласын бақылауына алғанын мәлімдеді. Бұл қала әлемдік энергетикалық ресурстар тасымалының тағы бір маңызды транзиттік нүктесі саналады. Бұл туралы Stan.kz ақпарат агенттігі Reuters басылымына сілтеме жасап хабарлайды.
Бұл жағдай АҚШ президенті Дональд Трамптың аралық сайлаудан кейін соғыстың аяқталуын күтетінін мәлімдегенінен бірнеше сағат өткен соң болды.
Йемен үкіметінің әскери армиясындағы төрт дереккөздің басылымға хабарлауынша, хуситтер Баб әл-Мандеб бұғазындағы ықпалын күшейткен. Бұл – Қызыл теңіздің оңтүстік қақпасы әрі әлемдегі ең маңызды теңіз жолдарының бірі. Сонымен қатар олар стратегиялық маңызы бар Ханиш аралдарына шабуыл жасай бастаған. Хуситтер екі аралға жетіп үлгерген.
Егер хуситтер Араб түбегінің Ормуз бұғазына қарама-қарсы жағында орналасқан осы су жолын толық бақылауына алса, екінші ірі транзиттік дәліз арқылы мұнай жеткізу көлемі қысқарып, мұнай күрт қымбаттауы мүмкін.
Сауд Арабиясы әлемдегі ең ірі мұнай экспорттаушы ел ретінде, Иранмен қақтығыс салдарынан Ормуз бұғазы іс жүзінде жабылғаннан кейін Қызыл теңіз арқылы өтетін бағытқа күннен-күнге тәуелді болып отыр. Бұған дейін әлемдік мұнайдың бестен бір бөлігі осы бұғаз арқылы тасымалданатын.
Жеткізу жолдарының бұзылуы мүмкін деген алаңдаушылыққа байланысты мұнай бағасы қазірдің өзінде 3,5%-ға өсті.
Сауд Арабиясына жасалған шабуылдар мен Қызыл теңіздегі кеме қатынасына қарсы шабуылдардың күшеюіне байланысты Пәкістан Иранға ескерту жасап, Йемендегі одақтасы хуситтерді тежеуді талап етті. Бұл туралы Сауд Арабиясы, Пәкістан және Иран тараптарындағы дереккөздер хабарлады.
Сауд Арабиясының Хамис-Мушайт қаласында дрондар мен зымыран шабуылдарына байланысты тәулік ішінде төртінші рет төтенше жағдай жарияланды.
Иранның жоғары лауазымды шенеунігі сейсенбі күні Исламабадтан хабарлама алғанын растады. Ол Иранның хуситтерді бақыламайтынын айтты.
Мұнай тасымалының тағы бір транзиттік бағытының жабылуы Парсы шығанағы аймағындағы кемелерге жасалған өзара шабуылдардың ақпан айынан бергі ең ірі толқыны кезінде болды.
"Менің ойымша, соғыс сайлаудан кейін бірден аяқталады, өйткені олар енді қарсылық көрсете алмайды. Олар сайлауға ықпал етуге барынша тырысып жатыр", – деді бұған дейін АҚШ президенті Дональд Трамп.
Бұған дейін Вашингтон соғысқа дейін әлемдік мұнай жеткізілімінің шамамен бестен бірі өткен Ормуз бұғазы арқылы танкерлердің өтуі жақсарғанын хабарлаған еді. Алайда әскери қимылдардың қайта басталуы бұл үдерісті баяулатты. Кемелер қозғалысын бақылаудың алдын ала деректеріне сәйкес, сәрсенбі күні бұғаздан жеті кеме өткен. Бұл соңғы 10 күндегі орташа көрсеткіштің шамамен жартысына тең.
Иран сәрсенбі күні АҚШ бес ирандық мұнай танкерін суға батырғаннан кейін Ормуз бұғазы маңында 10 кемеге шабуыл жасағанын мәлімдеді.
Қазақстандықтар круизбен әлем аралаймыз деп сотталған әйелге алданып қалған
