WhatsApp 2021 жылдың қаңтарынан бастап ескі смартфондарда жұмыс істемейтін болады
WhatsApp мессенджері 2021 жылдың 1 қаңтарынан бастап ескі смартфондарда жұмысын тоқтатады, деп хабарлайды Stan.kz ақпарат агенттігі.
"Біз операциялық жүйесі осы уақытқа дейін IOS 9 немесе Android 4.0.3-ке жаңартылмайтын құрылғылардың кейбір модельдері туралы айтып отырмыз. Ең алдымен, ескерту iPhone 4 және одан бұрынғы модельдердің иелеріне қатысты. IPhone 4s, iPhone 5, iPhone 5s, iPhone 5c, iPhone 6 және iPhone 6s пайдаланушылары жаңа жылдан кейін мессенджерге қол жеткізу үшін бағдарламалық жасақтаманы iOS 9-ға дейін жаңартуы керек" - дейді мамандар.
Маман смартфон арқылы ақша табудың жолдарын айтты
Сондай-ақ, олар маңызды деректерді жоғалтпау үшін хат-хабарлардың көшірмесін жасауды ұсынды.
"Ол үшін қажетті чатты ашып, "топ туралы ақпарат" түймесін басыңыз. Содан кейін "чатты экспорттау" тармағын таңдау керек - кейін чатты медиасыз жүктеу мүмкіндігі пайда болады", - дейді мамандар.
Осыған дейін Forbes маманы WhatsApp-тың үш маңызды параметрлерін атады, олар мессенджердің қауіпсіз жұмысы үшін қосылып тұруы керек. Екі сатылы тексеруді орнатып, қосымша алты таңбалы кодты орнатқан дұрыс. Екінші қажетті қадам -смартфондағы фотосуреттер мен бейнелерді автоматты түрде сақтауды өшіру. Сондай-ақ, құпиялылық параметрлеріне назар аудару ұсынылады: пайдаланушы тіркелген соң көретін және оны топтарға қоса алатын адамдардың шеңберін шектеген жөн.