Қанатбек Өтебек биыл шілденің аяғында Чехияға жұмыс істеуге кеткен. Туысы Балнұр Өтебектің айтуынша, оның бір айға жарамды Шенген визасы бар болған. Жігітті Еуропаға таныстары шақырып, жұмысқа орналасуға көмектесеміз деп уәде берген.

"Біреуі таксист болып жұмыс істейтін, екі көлігі бар еді. Біреуін Қанатбекке берген, ол да такси жүргізуші болып істеп жүрді. Ол Чехияда екі аптаға жуық жұмыс істеп, кейін Бека есімді блогерді тапқысы келетінін айтты. Жігіт отандастарға жақсы жалақыға жұмыс табуға көмектесіп жатыр екен мыс. Instagram-парақшасына қарасақ, Бека жүк көліктерін сатып алу және сатумен айналысады. Сонымен қатар жүк тасымалдаушыларды жұмысқа орналастырады.

Екі аптадан кейін Чехиядан кеткен Қанатбек сол кезде Венгрияда болған блогерді тапқысы келетінін айтты. Бірақ Қанатбектің такси жүргізушісі болып істейтін досы одан Чехиядан кетпеуді өтінген, өйткені Венгрияның заңдары бөлек, әлдеқайда қатаң болуы мүмкін екенін айтқан. Бірақ ол тыңдамаған, бірнеше күннен кейін достарымен бірге шығып, блогерді тауыпты", – деп бөлісті қыз.

Тікелей эфирге шыққаннан кейін екі күннен соң Балнұр Өтекбек ағасынан хабар ала алмай қалған. Тағы екі-үш күннен кейін туыстары тікелей блогерге жазған. Алайда ол да жауап бермепті.

"Үш-төрт күннен кейін Қазақстанның Венгриядағы елшілігіне хабарластық. Ол жерде жазбаша өтініш беру керек екенін айтты. Жазғаннан кейін бір-екі күнде жауап келді. Кейін бізге Бека деген блогер хабарласты. Неге оның атын жазғанымызды, қазір оны елшілікке шақырып жатқанын, егер өтінішті қайтарып алмасақ, Қанатбекке қиын болатынын айтты. Бека ағам бір-екі аптада байланысқа шығатынын айтты. Біз көніп, өтінішті қайтарып алдық, бірақ екі апта өтсе де Қанатбекпен хабарласа алмадық", – деді ол.

Туыстары әрі қарай не істеу керегін ойланып жүргенде, оларға Әзербайжаннан күтпеген қоңырау түскен. Бір әйел хабарласып, Қанатбек Өтелбектің Венгрия түрмелерінің бірінде отырғанын күйеуімен бірге қамауда отырғанын айтқан.

"Ағам әкемнің телефон нөмірін әзербайжандыққа берген, ол әйелінен бізбен байланысып, жағдайды түсіндіруді өтінген. Біз бір-бірімізді әрең түсіндік. Қанатбек африкалық босқындарды көлікпен тасымалдау кезінде ұсталыпты. Бұл заңсыз екен. Бізге шара қолдану керек, елшілікке хат жазып, адвокат табу керек екенін айтты. Әйтпесе олар ағамды түрмеде ұстай беретін көрінеді", – деп баса айтты қыз.

Балнұр Өтебек бұдан кейін блогерге туыстары қайта телефон соққанын айтты. Оның айтуынша, ол тағы да бұл оқиғаға өзін араластырмауды өтінген. Бұдан кейін Қанатбек Өтебектің туыстары Қазақстанның Венгриядағы елшілігіне тағы да жүгінген.

"Елшілік қызметкеріне әзербайжандық әйелден алған түрменің мекенжайын бердік. Біраз уақыттан кейін ол бізге телефон соғып, ағама тез арада адвокат керек екенін айтты. Мен елшіліктің Қазақстан азаматтарына көмектесу үшін, тым болмаса тегін адвокаттарды табу үшін осындай істер үшін жұмыс істейді деп ойлайтынмын. Өйткені, елшілік қызметкерлері бұл ел туралы, оның заңдары туралы көбірек біледі және ол жаққа жақсы бейімделген. Оның үстіне, кез келген елде тегін адвокаттарды жалдауға мүмкіндік бар.

Бірақ елшіліктегілер хабарласып, адвокаттардың байланыс нөмірлерін береміз деп қана айтты. Міне, бір апта өтті, бізге хабарласқан жоқ. Елшілік қызметкерінен де хаттарымызға жауап ала алмай отырмыз", – деп түйіндеді ол.

Айта кетейік, Шымкентте Қанатбек Өтебектің әйелі, төрт жасар қызы мен екі жасар баласы тұрады.

Қазақстанның Сыртқы істер министрлігі Қанатбек Өтебектің төңірегіндегі жағдайға қатысты әзірге пікір бере алмайтындарын хабарлады.

Талқылау