Үш жыл ішінде 3000-нан аса дәрігердің Қазақстаннан көшу себебі не?

Денсаулық сақтау министрлігінің Республикалық денсаулық сақтауды дамыту орталығының бас директоры Қанат Төсекбаев 2017-2019 жылдар аралығында Қазақстаннан 3499 медицина қызметкері көшіп кеткенін айтты, деп хабарлайды Stan.kz ақпарат агенттігі.

"Кадрлардың тұрақтамауының негізгі себептерінің бірі - сыртқы көші-қон. Яғни, медициналық кадрлардың кетуі. Бүгінгі таңда Шығыс Қазақстан, Солтүстік Қазақстан және Қарағанды облыстарында медицина кадрларының шетел асуы көптеп байқалады. Бұл үш өңір дәрігерлердің елден кетуі бойынша көш бастап тұр", - деді Төсекбаев ОКҚ онлайн-брифингінде.

Оның айтуынша, 2017 жылы 1062 дәрігер елден кетсе, 2018 жылы - 1225, ал 2019 жылы - 1212 маман көшкен.

"Кадрлардың кету себебі - бұл құлшыныс беретін белсенді механизмдердің болмауы, психоэмоционалдық қысым, кәсіби өсу үшін мүмкіндіктердің болмауы, қорғаныстың төмен деңгейі, әлеуметтік кепілдіктердің жеткіліксіздігі", - деп атап өтті денсаулық сақтауды дамыту республикалық орталығының бас директоры.