Үндістанда діни шараға қатысқан 100-ден аса адам қаза тапты

Үндістандағы діни шарада қаза тапқандар саны жүзден асты. Бұл туралы Stan.kz ақпарат агенттігі хабарлайды. 

Фото: Hindustantimes

Елдің солтүстігіндегі Рати Бханпур ауылындағы ғибадатханалардың бірінде болған қайғылы оқиғадан тағы 200-ге жуық адам зардап шеккен. Басым бөлігі — әйелдер мен балалар.

Көпшілік Үндістандағы атақты дін өкілінің уағызын тыңдауға жиналған. Мінажат етуге келгендердің көп болғанынан адамдарға ауа жетпей, аптап ыстықта шетінен құлай бастаған. Халық бірін-бірі таптап, сыртқа шыға алмай қалған. Қазір полиция қаза тапқандардың жеке басын анықтап жатыр.

Үндістанда үлкен билборд адамдардың үстіне құлап кетті: Қаза тапқандар бар

Жергілікті билік мән-жайды анықтау үшін арнайы комиссия қүрылғанын хабарлады.

Еске салсақ, бұған дейін Үндістанда ауа температурасы рекордтық 52 градусқа дейін жеткені туралы жазған едік.