Жаңа туған сәбиді далаға тастап кеткен: Қаңғыбас ит нәрестені түнімен бауырына басып, жылытып, аман алып қалған
Үндістанда тастанды сәбиді қаңғыбас ит құтқарып қалды. Оқиға Чхаттисгарх штатында болған. Ит сәбиді адамдар келгенше жылытып жатқан, деп хабарлайды Stan.kz ақпарат агенттігі Daily Mirror басылымына сілтеме жасап.
Жаңа туған нәрестені елді мекендердің бірінде түнде тастап кеткен. Киімсіз жатқан сәбиді қаңғыбас ит тауып алған. Ол күшіктерін ертіп әкеп, адамдар келгенше жылытып жатқан.
Шақалақты таңертең жұмысқа бара жатқан жергілікті тұрғындар тауып алған.
"Ит пен күшіктердің дене жылуы баланы аман алып қалған секілді. Қазір желтоқсан, түнде қатты салқын болады. Қыздың жолы болды деуге болады", - деп айтты нәрестені тауып алған ер адамдардың бірі.
Тұрғындардың айтуынша, қаңғыбас иттердің барлығы бірдей емес және қорғансыз сәби олардың құрбаны болуы да мүмкін еді. Қазір қыз ауруханаға жеткізілген, өміріне еш қауіп төніп тұрған жоқ. Нәрестеге Аканша деген есім берген. Қазір полицейлер нәрестенің ата-анасын іздеп жатыр.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған