Үндістанда діни мереке кезінде тұрғындар құдыққа құлаған: 35 адам көз жұмды
Үндістанда діни мереке кезінде құдыққа құлап, 35 адам көз жұмды деп хабарлайды Stan.kz ақпарат агенттігі Sky News сайтына сілтеме жасап.
Қайғылы оқиға Мадхья-Прадештегі Индаур қаласының ғибадатханаларының бірінде болды. Тұрғындар индустардың Рамнавами мерекесін тойлауға жиналды. Ғибадатхана бірнеше жылдан бері мақсатына сай пайдаланылмаған ескі құдықтың үстіне салынған. Көпшіліктің салмағына шыдамай, ғимараттың едені құлады.
Рамнавами мерекесінің "Хаван" от рәсімі кезінде бетон плитасы құлады.
"18 адамды құтқардық, 35 адам мерт болды, 16 адам жарақат алды", – деді жергілікті мемлекеттік қызметкерлердің бірі.
Өлім саны одан да көп болуы мүмкін.
Оқиға орнында құтқару жұмыстары жалғасуда. 75-тен астам адам құтқаруға атсалысуда, әскерилер үйінділерді бөлшектеп, адамдарды арқан мен баспалдақ арқылы құдықтан шығарып жатыр.
"Үйде нан бар деп күлді": Көршісінің шелпегін алмай қойған қыздың әрекеті желіде дауға ұласты
Оқырмандардың бірі "шелпектің қандай қолмен дайындалғанын кім білсін?" деп айтқан
"Оңай" ресейлік төлем жүйесімен байланысы бар деген күдікке ілінді: Пайдаланушылар дербес деректерінің қауіпсіздігіне алаңдады
"Оңайға" қатысты бірден екі мәселе туындады