"Үлгі боларлық": ДДСҰ Қазақстандағы коронавирусқа қарсы шараларға оң бағасын берді

Дүниежүзілік денсаулық сақтау ұйымының Еуропа бюросының директоры Ханс Клюге Қазақстанда коронавирусқа қарсы атқарылып жатқан шараларға оң бағасын берді, деп хабарлайды Stan.kz ақпарат агенттігі. 

Өзінің Twitter желісіндегі парақшасында ол елімізде COVID-19 пандемиясына қарсы орындалып жатқан жұмыстар басқа мемлекеттерге үлгі боларлық деп атады.

Атап айтсақ:

Күшейтілген бақылау;

Медициналық қызметкерлерді қосқанда, халықты жаппай тестілеуден өткізу;

Деректердің сандық базасы;

Індетті дер кезінде алдын алу және науқастармен байланыста болғандарды анықтау;

Ауру жұқтырғандарды дұрыс емдеу;

Індетті зерттеу шаралары сарапшының оң бағасын алды. 

Соңғы мәліметтерге сәйкес елімізде 5417 адам коронавирус жұқтырған, олардың 2223 індеттен сауығып, 32-cі көз жұмды.