Түркияда қираған ғимараттардың құрылысына қатысы бар 564 адам ұсталды
Түркияда жел сілкінісінен қираған тұрғын үйлер құрылысына қатысты қылмыстық іс бойынша 160 адам ұсталды, деп хабарлайды Stan.kz ақпарат агенттігі Анадолы сайтына сілтеме жасап.
Жойқын жер сілкінісі болған провинциялардың прокуратуралары қираған нысандардың құрылысына қатысы бар деген күдікпен 6 ақпаннан бері 564 адамды ұстады. Кейіннен ұсталғандардың 160-ы қамауға алынды, 175 күдіктіге қатысты сот бақылауы тағайындалды.
Сонымен қатар, 71 күдіктіні тұтқындауға және 61 адамды ұстауға ордер берілді.
Бұдан бөлек, прокуратура апат аймағындағы ұрлық фактілері бойынша тергеу жүргізіп жатыр.
Еске салайық, 6 ақпанда Кахраманмарашта магнитудасы 7 балдан асатын екі жер сілкінісі болды. Жерасты дүмпулері елдің 10 провинциясында, сондай-ақ көршілес мемлекеттерде, соның ішінде Сирияда да сезілді.Соңғы мәлімет бойынша, табиғи апат салдарынан түрік елінде қаза болғандар саны 42,3 мыңнан асты.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"