Түркістан облысының әкімдігі: Арыстағы оқиғадан қайтыс болған баланың отбасына көмек көрсетіледі
Түркістан облысының әкімдігі Арыстағы оқиғадан қайтыс болған баланың отбасына көмек көрсетілетінін айтты, деп хабарлайды Stan.kz ақпарат агенттігі.
Бұл туралы облыс әкімінің кеңесшісі Сәкен Қалмаханов айтып берді. Оның сөзіне қарағанда Түркістан облысының әкімдігі барлық жауапкершілікті өз мойнана алып, 8 жасар Аянның жерлеу рәсімін өткізуге атсалыспақ.
"Әімшілік Нұр-Сұлтан қаласынан баланың денесін жерлейтін жерге дейін алып келуді өз мойнына алды. Сонымен қатар, жерлеу жұмыстарын жүргізу ұйымдастырылып, қайтыс болған баланың отбасына қаржылай көмек көрсетілетін болады", - дейді Сәкен Қалмаханов.
Естеріңізге сала кетейік, Нұр-Сұлтандағы №2 балалар ауруханасында Арыс қаласындағы жарылыстан кейін келген 8 жасар бала қайтыс болды. Аян Шәріпбаев есімді бала 2 тамыз күні сағат 9.20-да көз жұмған. Ол бір ай бойы комада жатқан болатын.
Талқылау