Түркістан облысында жантүршігерлік жол апатынан төрт адам қаза тапты
Түркістан облысында екі көлік бетпе-бет соқтығысып, 4 адам мерт болды. Тағы 3 адам түрлі жарақатпен ауруханаға жеткізілді, деп хабарлайды Stan.kz ақпарат агенттігі.
Оқиға 2 тамызда түнгі сағат 02:00 шамасында "Шымкент-Бадам-Арыс" тасжолының Сарыарық ауылының тұсында болған. Мұнда "Lada Priora" мен "ВАЗ-21099" көліктері бетпе-бет соқтығысты
Жол-көлік оқиғасының салдарынан "Lada Priora" автокөлігінің жүргізушісі мен 3 жолаушысы түрлі дене жарақатымен ауруханаға жеткізілген. Алайда жолаушының бірі ауруханада көз жұмды. Сонымен қатар "ВАЗ-21099" көлігінің жүргізушісі мен 2 жолаушысы оқиға орнында қаза тапты.
"Бүгінгі таңда аталған жайт Қылмыстық кодекстің 345-бабы, 4-бөлігімен тіркелді. Сотқа дейінгі тергеу амалдары жүргізілуде. Сараптамалар тағайындалды. Оқиғаның басқа да мән-жайы тергеу барысында анықталады", – делінген Түркістан облысы Полиция департаментінің баспасөз қызметі таратқан хабарламада.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан