Түркияда 15 жасқа толмаған балаларға әлеуметтік желіде аккаунт ашуға тыйым салынды
Түркияда балалардың әлеуметтік желілерді пайдалануына қатысты жаңа шектеулер енгізілмек. Енді 15 жасқа толмаған балаларға аккаунт ашуға тыйым салынып, жасөспірімдердің онлайн қарым-қатынасына да бірқатар талап қойылады. Бұл туралы Stan.kz ақпарат агенттігі хабарлайды.
Жаңа талаптар 10 қазанда Түркияның ресми басылымы Resmî Gazete-де жарияланды. Олар 2026 жылғы 1 қарашадан бастап күшіне енуі тиіс.
"15 жастан асқан жасөспірімдер үшін қауіпсіздіктің арнайы режимі қарастырылған. Олардың парақшалары жабық болуы керек. Ал хат алмасу тек жазылушыларына қолжетімді болады. Сондай-ақ жасөспірімдер тікелей эфир жүргізе алмайды, жекелендірілген жарнама мен басқа аккаунттардың ұсыныстарын алмайды. Бұған қоса, телефон кітапшасындағы немесе бөгде сервистердегі контактілерді автоматты түрде көшіруге де рұқсат етілмейді", – деп жазады басылым.
Жаңа ережелер ата-ананың бақылауына да қатысты. Әлеуметтік желі платформалары ересектерге балалардың аккаунт баптауларын басқаруға, экран алдында өткізетін уақытын шектеуге және төлемдерді растауға мүмкіндік беруі тиіс.
Сонымен қатар платформалар тіркелетін пайдаланушылардың жасын Түркияның e-Devlet мемлекеттік жүйесі арқылы тексеруге міндеттеледі. 15 жасқа толмаған балаларға әлеуметтік желілерде профиль ашуға тыйым салынады.
"Адам қанын ішіп, етін жеген": Атышулы каннибал Жұмағалиевтің қылмыстары неге жылдар бойы ашылмай келді
