Тоқаев Шавкат Рахмоновқа әкесінің дүниеден өтуіне байланысты көңіл айтты
Тоқаев кәсіби спортшы, аралас жекпе-жек шебері Шавкат Рахмоновқа көңіл айту жеделхатын жолдады. Бұл туралы Stan.kz ақпарат агенттігі хабарлайды.
Президент Қасым-Жомарт Тоқаев танымал спортшы Шавкат Рахмоновтың әкесі Бақтыбай Алпамысовтың дүниеден өтуіне байланысты қайғысына ортақтасып, көңіл айтты.
“Бақтыбай Рахмонұлы мағыналы ғұмыр кешкен қадірлі жан болды. Нағыз отаншыл азамат ретінде ел мерейін үстем еткен, бүкіл қазақ жұртының мақтанышына айналған өзіңіздей жігерлі ұрпақ тәрбиелеп өсірді. Әкеңіздің иманы саламат, жаны жәннатта болсын!” – делінген жеделхатта.
Айта кетейік, бұған дейін танымал спортшы Шавкат Рахмоновтың әпкесі Сора Рахмонова әкесі Бақтыбай Алпамысовтың қайтыс болғанын хабарлаған еді.
Шавкат Рахмоновтың өзі отбасындағы қайғылы жағдайға қатысты көпшілік алдында пікір білдірмеді.
Еске салсақ, 2026 жылдың ақпанында аяғына ота жасатқан Шавкат Рахмоновты UFC рейтингтен алып тастағаны туралы жазған едік.
Аспаннан ақша шашылса немесе көшеден ақша тауып алсаңыз, оны бірден иемденуге бола ма
Заңгер табылған ақшаны ешкімге хабарламай алып кету заңды әрекет емес екенін айтады
Қазақстанда рейс кешіксе, жолаушы не істеуі керек және өтемақыны қалай алады
Рейс 5 сағаттан астам кешіккен жағдайда жолаушы ұшудан бас тартып, билет құнын толық қайтаруды талап ете алады