Time журналы "Жыл адамы" ретінде Дональд Трампты таңдады
Time журналы “Жыл адамы” ретінде АҚШ-тың жаңадан сайланған президенті Дональд Трампты таңдады. Бұл туралы Stan.kz ақпарат агенттігі хабарлайды.
Фото: time.com
Кандидаттар арасында Трамптан бөлек Илон Маск, Кейт Миддлтон және Юлия Навальная да болған.
"97 жыл бойы Time редакторлары "Жыл адамын" таңдап келеді. Жыл адамы 12 ай бойы әлемге және тақырыптарға жақсы немесе жаман жағынан әсер еткен адам. Көптеген жылдар бойы бұл таңдауды жасау қиын болатын. 2024 жылы қиын болған жоқ", – дейді журналдың бас редакторы Сэм Джейкобс.
-
2024 жылдың сөзі анықталды
-
Трамптың сайлаудағы жеңісінен кейін Илон Маск әлемдегі ең бай адам атанды
Time журналы Трамптың АҚШ-тағы президенттік сайлаудағы жеңісін көптеген жағынан тарихи деп атауға болатынын атап өтті.
Ол ел тарихындағы ең қарт президент және қылмыстық іс бойынша кінәлі деп танылған АҚШ-тың жалғыз басшысы болмақ.
Айта кетейік, Трамп АҚШ-тағы президенттік сайлауда алғаш рет жеңіске жеткен 2016 жылы да Time журналының “Жыл адамы” атанған еді.
Еске салсақ, бұған дейін Трамп Канада мен Мексиканы АҚШ-тың құрамына қосылуға шақырған еді.