Теңге доллар мен рубльге қашан тәуелді болмайды - Министр жауабы
Қаржы министрі Ерұлан Жамаубаев теңге доллар мен рубльге тәуелді болуын қашан тоқтататынын айтты, деп хабарлайды Stan.kz ақпарат агенттігі.
Үкімет кулуарында БАҚ өкілдері министрден "Теңгенің доллар мен рубльге тәуелді болмайтын күні туа ма?" деп сұрады.
"Иә, – деді Жамаубаев. – Бұл төлем балансы тұрақталып, экспорттық операция мен ағымдағы шот импорттық операцияны жапқан кезде, яғни валюталық түсімдер, өндірістік сектор мен экспорттан түсетін пайда әжептәуір көбейген кезде болады".
Министр үкімет импортты алмастыру бойынша үлкен бағдарламаны жүзеге асырып жатқанын атап өтті.
"Біз импортты азайтып, ел ішінде көбірек өндірсек, өндірілген өнім есебінен экспорттық пайда табамыз. Сол кезде валюта ағыны елге келеді", – деп түсіндірді Жамаубаев.
Алайда министр қазір бұл процесс қанша пайызға орындалып жатқанын нақтыламады.
Талқылау
"Ауаға ең күшті улы заттар тарады": Экологтар Алматыдағы қоқыс полигонының өртіне байланысты дабыл қақты
Экологист мұндай апат қандай жағдайлардың салдары екенін талдап айтып берді
"Сиыр етінің келісі 6000 теңгеге жетті": Қазақстанда ет бағасының өсуіне не себеп болды
Кейінгі кезде сиыр етінің келісі 6 мың теңгеге жеткені туралы сөздер халық наразылығын тудырды.