"Абай" және "Қош бол, Гүлсары!" фильмдерінің режиссері Ардақ Әмірқұлов өмірден өтті

Қазақстанның көрнекті кинорежиссері Ардақ Әмірқұлов 71 жасқа қараған шағында дүниеден өтті. Бұл туралы Stan.kz ақпарат агенттігі хабарлайды.

Қаралы хабарды Мәдениет және ақпарат министрлігі жеткізіп, марқұмның отбасы мен жақындарына, әріптестері мен шәкірттеріне көңіл айтты.

Ардақ Жамансарыұлы 1955 жылы Жамбыл облысында дүниеге келген. Ол ұзақ жылдар бойы "Қазақфильм" киностудиясында еңбек етіп, 1992–2002 жылдары киностудияны басқарды. Сонымен қатар ұстаздықпен айналысып, жас киногерлерді даярлауға елеулі үлес қосты.

Ол саналы ғұмырын қазақ киносының дамуына арнады. Ол режиссер ғана емес, талай шәкірт тәрбиелеген білікті ұстаз әрі кино саласындағы бірнеше буын маманның қалыптасуына ықпал еткен тәлімгер ретінде танылды.

Оқыңыз

Танымал актер, режиссер Балтабай Сейітмамытұлы өмірден өтті Оқыңыз

Режиссердің “Отырардың күйреуі”, “Абай”, “Қош бол, Гүлсары!” секілді туындылары ұлттық киноның алтын қорына енді. Оның шығармаларында қазақ халқының тарихы, рухани дүниесі, адам тағдыры мен заман шындығы терең суреттелді.

Ардақ Әмірқұловтың қазақ мәдениеті мен кино өнеріне сіңірген еңбегі ел жадында сақталады. Марқұмның отбасы мен туған-туыстарына қайғырып көңіл айтамыз.