Талдықорғанда 30 жастағы әйел құны 356 мың теңге тұратын аяқ киімдерді ұрлап кеткен
Талдықорғанда 30 жастағы әйел жалпы сомасы 356 мың теңге болатын бірнеше жұп аяқ киімді ұрлап кеткені үшін ұсталды.
Оқиға қаладағы аяқ киім дүкендерінің бірінде болған. Бұл туралы облыстық ІІД баспасөз қызметі хабарлайды. Ұрлығы үшін күдікке ілінген әйел қазір тұтқында отыр.
Күдіктіні полиция бөлімшесіне жеткізгеннен кейін құқық қорғаушылар оның тағы төрт ұрлық ісіне қатысы бар екенін анықтаған. Ол ұрлық әрекеттерін биылғы жылы киім дүкендері мен сауда үйлерінде жасаған.
“Осыған ұқсас қылмыстар жасағаны үшін күдікті бұрында қылмыстық жауапкершілікке тартылған. Бес дәлелденген факті бойынша жалпы шығын 1 миллион теңгені құрап отыр. Қазір ол ҚР қылмыстық процессуалдық кодексінің 128 бабы бойынша айыпталып отыр”, – делінген баспасөз хабарламасында.
Оқи отырыңыз:
Бірден үш қызға үйленген елордалық жігіт жұртты дүрліктірді (видео)
Халыққа 10 сотық жер беру мемлекеттік мұқтаждыққа жатқызылмақ
Алматыдағы университет жатақханасында көз жұмған студент жер қойнына тапсырылды