Солтүстік Корея Оңтүстік Кореяға ядролық қарумен сес көрсетті
Пхеньян Оңтүстік Корея қарулы текетіреске баратын болса, ядролық қару қолданатынын мәлімдеді. Бұл туралы Солтүстік Корея президентінің қарындасы, Еңбек партиясының Орталық комиссия басшысының орынбасары Ким Е Чжон айтқан, деп хабарлайды Stan.kz ақпарат агенттігі РИА Новости басылымына сілтеме жасап.
"Егер Оңтүстік Корея әскери текетіреске барса, біздің ядролық күштер өз міндетін атқарады", – деді Ким Е Чжон.
Сонымен қатар ол Оңтүстік Кореяның алдын ала соққысы туралы келе, мұны қорғаныс министрінің "үлкен қателігі болар еді" деп бағалады.
Бұған дейін Оңтүстік Корея қорғаныс министрі Со Ук Солтүстік Кореяның ядролық соққы жасау мүмкіндігі туралы айтқан. Алайда Ким Е Чжон Со Уктың сөздерін "қоқыс" деп бағалап, мұндай мәлімдеменің Сеул үшін қатерлі екенін айтқан.
Айта кетейік, бұған дейін БАҚ Солтүстік Кореяның өз ядролық полигонын қалпына келтіріп жатқанын хабарлаған еді. Полигон 2018 жылы жабылып қалған.
Қазақстанда киіз үй бағасы 200 мыңнан 1,8 миллион теңгеге дейін: Оны кімдер сатып алады?
"Өзін құрбан ету үшін "айналайын" деп дауыстаған": Қазақтың қандай салт-дәстүрі мен ұғымдары ұмыт болды
Тарихшы: "Ауру адамды киіз үйдің ортасына жатқызып, қарт кісі үш рет айналып, есікке келгенде “айналайын” деп дауыстайды"