Смайыловтың Болат Назарбаевтың жерлеу рәсіміне қатысуына байланысты үкімет отырысы кейінге шегерілді
Бүгін экс-президент Нұрсұлтан Назарбаевтың інісі Болат Назарбаевты жерлеу рәсімі өтіп, оған премьер-министр Әлихан Смайылов қатысты. Бұл туралы Stan.kz ақпарат агенттігі хабарлайды.
Болат Назарбаевтың жерлеу рәсімі туып-өскен жері Алматы облысының Шамалған ауылында өтті. Қаралы жиынға экс-президент Нұрсұлтан Назарбаев, әпкесі Әнипа Назарбаева, Алматы облысының бұрынғы әкімі Амандық Баталов, "Антикор" ұйымының экс-төрағасы Алик Шпекбаев қатысты.
Қоштасу рәсіміне үкімет басшысы Әлихан Смайылов та қатысты. Бүгін өтуі тиіс дәстүрлі үкімет отырысы премьер-министрдің Болат Назарбаевтың жерлеу рәсіміне қатысуына байланысты кейінге шегерілген. Министрлік өкілдерінің жиыны әдетте әр сейсенбіде сағат 10:00-де өтеді. Алайда бүгін отырыстың өтетіні хабарланған жоқ.
Талқылау