ШҚО-да әжей жертөлеге құлап, соның ішінде жарты күн жатқан
Шығыс Қазақстан облысындағы Первомайский ауылында зейнеткер жертөледе жарты күн жатқан. Оны түстен кейін ғана көршілері естіпті. Бұл туралы Stan.kz ақпарат агенттігі хабарлайды.
Фото: ШҚО ІІД
Әже тосап алу үшін таңғы 4-те жертөлеге түспек болып, ішіне сүрініп құлаған. Содан кейін өздігінен орнынан тұра алмапты. Осылай жарты күн жердің астында жатқан. Түскі астан кейін ғана көршілері оның айғайын естіп, жедел жәрдем мен полицияға хабарласқан.
“Оқиға орнына учаскелік инспекторлар Азамат Балтабаев пен Орал Азамбаев жедел жеткен. Құтқарушылар мен полицейлер арқанның көмегімен зейнеткерді жертөледен шығарып алып, жедел жәрдем дәрігерлеріне тапсырды”, – деп хабарлады ІІД баспасөз қызметі.
Қазір әже медициналық мекемеде мамандардың бақылауында.
Канье Уэсттің концертіне 280 мың теңгеге билет алған қазақстандық кейін арзан билеттердің пайда болғанына наразы
Freedom Афиша: "280 мың теңгенің бөлек баға санатына кіреді, ал 120 мың теңге – трибунадағы басқа жерде орналасқан орындардың баға санаты"
Қыркүйекте доллар құны қалай өзгереді – Сарапшылар қаржы нарығына болжам жасады
Қаржы сарапшысы Айбар Олжай доллардың алдағы уақытта жағдайы бойынша пікір білдірді.