Шымкентте танымал сауда белгісінің атын жамылған 48 мың жалған тәтті анықталды

Шымкентте танымал "Nestle" маркасының 48 мың жалған тәттісі тәркіленді. Бұл туралы Stan.kz ақпарат агенттігі OTYRAR басылымына сілтеме жасап хабарлайды. 

Фото: OTYRAR.KZ

Тауарлар "Kit Kat" және "Nesquik” сынды танымал брендтердің атын жамылған. 

Жалған өнімді Шымкентте “Б” ЖШС компаниясы көтерме сауда арқылы сатып, таратқан. Тексеріс "Nestle S.A." компаниясы арызданғандықтан жасалды. 

• “Қойылымға айналды”: Антикор Шымкенттегі шенеуніктің жиналыс кезінде тұтқындалуына қатысты пікір білдірді

• Шымкентте оқушы қыз сабақ кезінде өзіне қол жұмсады

“Қазір іс материалдарын Шымкент қаласы әділет департаменті қарап жатыр. Тауар белгісін заңсыз пайдаланғаны үшін компания иесін жауапқа тарту мәселесі қарастырылып жатыр”, – делінген әділет министрлігінің ресми мәлімдемесінде.  

Құқық иесіне келтірілген шығын көлеміне қарай іс материалдар сотқа немесе экономикалық тергеулер қызметіне жіберіледі. Айыпты тұлғалар қылмыстық жауапқа тартылады.