Шымкентте қоқыс алаңшаларына арнайы нұсқаулықтар қойылуда
Шымкенттегі әл-Фараби ауданының тұрғындары енді тазалық мекемелеріне тікелей шағымдана алады. Ол үшін қоқыс алаңшаларының алдына ескертпе белгілері жазылған арнайы нұсқаулықтар ілінді.
Нұсқаулық тақтайшаларына аумаққа бекітілген қоқыс шығарумен айналысатын мердігер мекеменің атауы, байланыс нөмірлері және қоқыс шығару жиілігі жазылған. Қоқыс уақтылы жиналмаған жағдайда тұрғындар жауапты мекеменің диспетчеріне тікелей ұсыныс-пікірі мен шағымын қалдыра алады.
Әл-Фараби ауданы аумағында тұрмыстық қатты қалдықтарға арналған 192 контейнер алаңшалары және 749 қоқыс контейнері бар болса, соның 60 пайызына нұсқаулықтар орнатылды. Қазан айының соңына дейін барлық қоқыс алаңшалары қамтылатын болады.
Еске сала өтейік, қоқыс жәшіктеріне құрылыс заттарын тастағандарға 20 АЕК көлемінде айыппұл салынады.
"Әйелдерге тән оюды ерлер пайдаланып жүр": Қазақстандық дизайнер жұлдыздардың ою-өрнекті орынсыз пайдаланып жүргенін сынға алды
Кез келген ою – оны жасаған адамның ішкі дүниесінің көрінісі
"Ешқандай адам өте алмайды": Шетелдіктер қазақ тілінен тапсыратын тесттің қиындығына шағымданды
Шетелдік: "Жарайсыңдар, сендер жеңдіңдер!"