Шымкентте 14 жастағы қыздың бауырынан 9 см құрт шықты
Шымкентте 14 жастағы қыздың бауырынан 9 см эхинококк құрты алынды. Бұл туралы Stan.kz ақпарат агенттігі хабарлайды.
Жасөспірім 21-тамыз күні ауыр халде Шымкент қаласындағы балалар ауруханасының қабылдау бөліміне түскен.
Дәрігерлер пациентті компьютерлік томографияға түсіріп, бауыр тұсынан эхинококк кистасын анықтаған соң, жедел түрде науқасқа ота жасалды.
"Баланың бауырына лапароскопия аппаратымен тіліксіз ота жасалды. Ішінен 9,4 см және 8,1 см көлемді эхинакокк құрты шықты. Науқас отадан кейін жан сақтау бөлімінде бақылауда болып, келесі күні палатаға ауыстырылды. Отаға аурухананың білікті балалар хирург дәрігерлері Ержан Байдуллаев Қайрат Ізбасов, Асанбай Құрманалиев және Гүлжан Айдинова қатысты. Науқастың қазіргі жағдайы жақсы", – делінген Шымкент қалалық денсаулық сақтау басқармасының хабарламасында.
"Өзімізді дәлелдедік": Олимпиадада жүлделі орын алған таэквондошылар Қазақстанға оралды
Спортшыларымыз жай келмей, жүлделі орындармен оралды
Қазақстандық әйел жалға алушыны пәтерінен шығара алмай, сотқа берген: Алайда сот қараудан бас тартты
Пәтер иесі: "Жалдау шартын бұзылған деп тану және жалға алушыны пәтерден шығаруды міндеттеу талабым "кәмелетке толмағандардың істері жөніндегі сотқа жүгіну керек" деген негізбен бас тартылды"