"Шашым түсіп, ештеңеге тәбетім жоқ": Актриса Фариза Ескерместің денсаулығы сыр берді
Актриса Фариза Ескермес соңғы кездері денсаулығының нашарлап жүргенін айтты. Бұл туралы Stan.kz ақпарат агенттігі хабарлайды.
©instagram.com/fariza_yeskermes
Фариза Ескермес өзіне еліктейтін оқырман қыздардан өзінен үлгі алмауын өтінді.
Оқырманның: “Сіз сияқты сымбатты болғым келеді. Құпияңыз неде?” деген сауалына актриса: “Достар, менен үлгі алмаңдар. Мен арықпын, бірақ денсаулығым сыр беріп жүр. Шашым қатты түсіп жүр, ештеңеге тәбетіп жоқ. Бұл жақсы нәрсе емес. Қазір ағзамдағы темірді көтеру үшін дәрі ішіп жүрмін. Сымбатты мүсін денсаулығың жақсы дегенді білдірмейді. Өз-өздеріңізбен болыңыздар. Спортпен айналысыңыз, пайдалы тағам жеңіз, өмірден рахат алыңыз”, – деп жауап берді.
Сондай-ақ актриса басқа қыз-келішектер секілді қазан-ошақтың басында жүрмейтінін мойындады.
“Мен үйде тамақ жасамаймын. Тамақ жасағанды ұнатпаймын, оның үстіне ол нәрсе қолымнан келмейді. Күнде дәмханаларға барамын, тапсырыс беремін немесе түсірілім алаңында тамақтанамын”, – дейді Фариза.
