Тоқаевтың күзет қызметінің бұрынғы бастығы енді төтенше жағдайлар министрлігін басқарады
Мемлекет басшысының жарлығымен Шыңғыс Әрінов Төтенше жағдайлар министрі болып тағайындалды. Ол президенттің күзет қызметінің басшысы лауазымынан босатылды. Бұл туралы Stan.kz ақпарат агенттігі хабарлайды.
Әрінов әл-Фараби атындағы Қазақ ұлттық университеті, халықаралық қатынастар факультетінде оқыған. Қазақ еңбек және әлеуметтік қатынастар академиясы, мамандығы – құқықтану. Азаматтық авиация академиясында білім алған. Мамандығы "Тасымалды, қозғалысты ұйымдастыру және көлікті пайдалану".
- 2006-2022 жж. Мемлекеттік күзет қызметінің кадрында әртүрлі офицерлік және басшы лауазымдардағы қызмет;
- 2022 жылғы қаңтарда президент өкімімен мемлекеттік күзет қызметі бастығының орынбасары – президент күзет қызметінің бастығы болып тағайындалған.
ІІ, ІІІ дәрежелі "Елбасының қауіпсіздігін айбынды атқарғаны үшін" медалімен және "Қазақстан Республикасы Мемлекеттік күзет қызметіне 25 жыл", "Қазақстан Тәуелсіздігіне 30 жыл" мерейтойлық медальдарымен, сондай-ақ Қазақстан Республикасы президентінің атынан алғыс хаттармен марапатталған.
Айта кетейік, бұған дейін мемлекет басшысының жарлығымен Ақмарал Әлназарова Денсаулық сақтау министрі лауазымына тағайындалғаны туралы жазған едік.
Талқылау
Радикализмнен қорғанудың жолы – иммунитет қалыптастыру: Теріс ағымнан сақтануда сақтануда діни білімнің маңызы қандай
Әл-Фараби Болатжан: “Надандық бар жерде радикалдық ағым кең етек жая бастайды”
"Несиенің пайыздық мөлшерлемесі азаяды": Сарапшы коммерциялық банктер тұрғын үй жинағын енгізсе қандай өзгерістер болатынын айтты
Сарапшы: "Бұл ұзақ мерзімді перспективада банктік жүйеге де оң әсер етеді. Уақыт өте келе қаржыландыру арзандайды, яғни ставкалар төмендеп, неғұрлым қолайлы деңгейге жетеді”