Алматыда 7 баллдан жоғары жер сілкінісі болуы мүмкін бе – Сейсмологтар жауап берді

Сейсмология ғылыми-зерттеу орталығының мәліметінше, биыл эпицентрде магнитудасы 5,5-тен жоғары немесе 7 балдан асатын жер сілкінісі болу ықтималдығы төмен. Бұл туралы Stan.kz ақпарат агенттігі Kazinform порталына сілтеме жасап хабарлайды. 

Фото: pixabay.com

Сейсмологиялық бақылаулар және зерттеулер ұлттық ғылыми орталығы директорының ғылым жөніндегі орынбасары Елизавета Есенжігітованың айтуынша, сейсмолог мамандар Алматы облысында күшті жер сілкінісінің үш мезгілдік болжамын жасап жатыр.

Жыл басында Алматыдағы жер сілкіну қаупі бар өңірлерге 2024 жылға арналған орта мерзімді болжам жасалды. Болжамға сәйкес, биыл магнитудасы 5,5-тен асатын, эпицентрде дүмпу қарқыны 7 балдан жоғары жер сілкінісінің ықтималдығы төмен”, – дейді  Елизавета Есенжігітова.

• Қарағанды облысында жер сілкінді: Сейсмикалық емес аймақта неге дүмпу болатыны түсіндірілді

• Алматы маңында жер сілкінісі кезінде бас сауғалайтын шатырлы лагерь салынады

Еске салайық, алматылықтар магнитудасы 4,5 болатын жер сілкінісін сезген еді. Төтенше жағдай департаменті қазақстандықтарға не себепті жер сілкінісі туралы SMS-хабарлама келмегенін түсіндірді.