Семейде балалар аулада тұрған көлікті өртеп жіберген
15 шілдеде Семей қаласындағы 352-квартал аулаларының бірінде автокөлік өртеніп кетті. Оқиға куәгерлерінің айтуынша, көлік үйге жақын тұрған. Кейін жалын көпқабатты үйдің терезелері түбінде өсіп тұрған ағаштарға да тарай бастаған. Бұл туралы Stan.kz ақпарат агенттігі хабарлайды.
Сағат 18:05-те көліктің өртенгені туралы төтенше жағдайлар қызметіне хабарланды. Төтенше жағдайлар департаментінің қызметкерлері өртті сөндірді. Сол күні әлеуметтік желілерде куәгерлер бұл қасақана өртеу болуы мүмкін екенін жазған. Алайда ол кезде бұл туралы ресми ақпарат болған жоқ.
Абай облысының полиция департаменті автокөліктің өздігінен өртенбегенін растады. Полицейлер оқиға орнына жақын орналасқан бейнебақылау камераларының жазбаларын зерттеген.
"Өрт басталардан аз уақыт бұрын автокөлік маңында кәмелетке толмаған үш бала жүргені анықталды. Алдын ала мәлімет бойынша, балалардың бірі сіріңке пайдаланып, көліктің жанындағы құрғақ өсімдіктерді өртеген. От тарай бастағанда балалар қорқып, қашып кеткен. Бұл жайттар кәмелетке толмағандардың заңды өкілдерінен жауап алу барысында да расталды", – деп хабарлады департамент өкілдері.
Енді алты жасар баланың ата-анасы көлік иесіне келтірілген шығынды өтеуге тиіс.
Қазақстандық ер адам қолына бұрауыш тығып алып, көз жұмды: Туыстары дәрігерлердің салғырттығына шағымданды
Ер адам ауыр жарақат алғаннан кейін Ақтөбе медициналық орталығына жүгінген
Миллиардтаған қаржы жұмсалған Н.Сац атындағы театрдың эскиз жобасын бастапқы үлгісінен өзгертіп жіберген
Урбанист: "Қасбетке елеулі өзгеріс енгізілсе, жоба қайта келісілді деген сөз"