"Мен себепсіз сөйлескенді ұнатпаймын, анам да бұл оқиға туралы білетіндіктен, эмоциямен айтты. Егер бұл оқиға туралы жарияласақ, тікелей сілтемелермен, есімдермен жариялаймыз деп ойлаймын. Содан кейін ары қарай қазбалап, істі мұрағаттан алып, осы оқиғадан кейін кімнің, қалай емделгенін көре аламыз. Сонда барлығы анық болады", – деді Айтбек Амангелді.

1 сәуірде сот отырысында Бишімбаев өз мәлімдемесін “аса қатыгездікпен кісі өлтіру” бабы бойынша өз кінәсін мойындамайтынын айтудан бастады. Салтанаттың анасы өзін ұстай алмай, жылап жіберген еді.

"Мен қызымды жерледім. Мен оның бетін көрмедім. Мұндайды қалай айтасың?! Сен оны бірнеше сағат бойы өлтірдің. Саған өткен өміріңді айтып беруімді қалайсың ба? Сенің қалай баланы басып өлтіргеніңді", – деді Салтанаттың анасы.

Артынша судья жанжалға араласып, тыныштық сақтауды сұрады.

"Бұған дейін біздің отбасымыз халықтың көмегіне жүгініп, 9 қарашаға қараған түн туралы материалдар сұраған кезде бізге адамдардан маған және адвокаттарға көптеген тікелей хабарламалар келіп түсті. Түрлі оқиғалар, аты-жөні мен күні, қашан, не болғаны, студент кезінде не болғаны, мұның бәрі қалай жасырылғаны, ата-анасы қалай жапқаны туралы оқиғаларды естідік", – дейді Салтанаттың ағасы.

Еске салсақ, бұған дейін экс-министр Бишімбаевқа қатысты сот отырысында Бишімбаевтың Салтанат Нүкенованы мейрамхананың дәлізінде ұрып-соғып жатқаны түсірілген видео көрсетілгені туралы жазған едік. Сонымен қатар, прокурор сот барысында Бишімбаевтың тергеуге көмектеспегенін мәлімдеді.

Талқылау