Қазақстандықтар биылғы Құрбан айтта қалай демалады?
Қазақстандықтар 27 мамыр күні Құрбан айт мерекесін атап өтеді. Сәйкесінше ел тұрғындары мамыр айының соңында тағы қосымша бір күн демалады. Бұл туралы Stan.kz ақпарат агенттігі хабарлайды.
Қазақстан мұсылмандары діни басқармасының (ҚМДБ) күнтізбесіне сәйкес, Құрбан айт 2026 жылы 27–29 мамыр аралығында өтеді.
Мерекенің алғашқы күні – 27 мамыр, Қазақстанда ресми демалыс күні саналады. Биыл бұл күн сәрсенбіге түсіп отыр. Сондықтан қазақстандықтар аптаның ортасында қосымша демалады.
Бес күндік жұмыс аптасында кесте мынадай болады:
- 25–26 мамыр – жұмыс күндері
- 27 мамыр – Құрбан айтқа байланысты демалыс
- 28–29 мамыр – жұмыс күндері
- 30–31 мамыр – күнтізбедегі демалыс күндері
Ал алты күндік жұмыс аптасымен істейтіндер үшін де 27 мамыр мерекелік демалыс күні болып саналады.
ОқыңызҚұрбан айт – исламдағы ең маңызды мерекелердің бірі. Бұл күндері адамдар туыстарымен қауышып, қайырымдылық жасап, жақындарының үйіне қонаққа барады. Мереке Рамазан айы аяқталғаннан кейін 70 күн өткен соң атап өтіледі. Айт таңертеңгі айт намазымен басталып, одан кейін құрбан шалу рәсімі жасалады.
11 миллион теңгеге дейін: Қазақстандықтар пәтер жөндеуге қанша жұмсайтынын айтты
Алғашқы баспанасын қара сылақ күйінде сатып алған 25 жастағы Нұрсұлтан жөндеу жұмыстарына өзі араласқан
Алматы облысында туғанына 5 күн болған сәби көз жұмды: Туыстары дәрігерлерді нәрестені жерге құлатып алды деп айыптады
Толғағы жедел келген әйелді зембілмен емес мүгедектер арбасымен тасыған кезде сәби кенет дүниеге келген