Қазақстандық Freedom банк Тәжікстандағы бірыңғай QR-код жүйесіне қосылды

Қазақстандық Freedom банкінің клиенттері Тәжікстан Республикасында тауарлар мен қызметтерге Freedom SuperApp арқылы тікелей бірыңғай QR-код арқылы ақы төлеуге мүмкіндік алды.

Жаңа қызмет жергілікті сатушылардан тез, ыңғайлы және қолма-қол ақшаны пайдаланбай немесе айырбастау пункттерін іздемей сатып алуға мүмкіндік береді. Бүгінгі таңда бірыңғай QR-код арқылы төлем жасау бүкіл Тәжікстан бойынша 31 мыңнан астам сауда нүктесінде қолжетімді.

Енді Қазақстан банкінің клиенттері Тәжікстанда жұмыс сапарында не демалыста болған кезде – Freedom SuperApp Банкінің мобильдік қосымшасы арқылы саудагердің бірыңғай QR-кодын сканерлеп, тәжік сомони (TJS) сомасын енгізіп төлемді растай алады.

Барлық есептеулер қосымшаның ішінде автоматты түрде жүзеге асырылады: пайдаланушы соманы жергілікті валютаға енгізеді, содан кейін Freedom SuperApp-та айырбастау жүргізіліп, теңгемен төлеуге соңғы сома көрсетіледі.

Бұл ретте теңгемен есептен шығарудың қорытынды сомасы және айырбастаудың өзекті коммерциялық бағамы төлем расталғанға дейін көрсетіледі. Бұл сатып алудың толық құнын алдын-ала түсінуге мүмкіндік береді және төлем процесін клиент үшін мүмкіндігінше ыңғайлы және ашық етеді.

"Тәжікстанда бірыңғай QR-ға қосылу - біздің Банктің өз клиенттері үшін ыңғайлы трансшекаралық төлем инфрақұрылымын дамытудағы тағы бір қадамы. Біз Қазақстаннан тыс жерлерде саяхаттайтын, бизнес жүргізетін, сатып алулар жасайтын және күн сайын қаржы сервистерімен өзара іс-қимыл жасайтын клиенттер тарапынан жылдам, түсінікті және жіксіз трансшекаралық сервистерге тұрақты сұранысты көреміз. Болашақта Freedom Bank өңірдің миллиондаған пайдаланушылары үшін бірыңғай қаржылық сервистер кеңістігін құра отырып, Freedom Superapp серіктестіктері мен пайдалану сценарийлерінің географиясын кеңейтуді жалғастыруды жоспарлап отыр", – деп атап өтті Freedom Банкінің Директорлар кеңесінің мүшесі Айдос Жұмағұлов.

Жарнама құқығында