Қазақстанда енді электрвелосипед жүргізетіндер де жүргізуші куәлігі мен нөмір алуы керек

Фото: Freepik.com

Электрвелосипедтер мопедтермен теңестіріледі. Енді оны жүргізетіндер жүргізуші куәлігі мен нөмір алуы керек, сондай-ақ жаяу жүргіншілер аймағында жүруге тыйым салынады. Бұл туралы Stan.kz ақпарат агенттігі КТК арнасына сілтеме жасап хабарлайды.

Ішкі істер министрі Ержан Сәденов электрвелосипед жүргізетіндерге талап күшейтілетінін мәлімдеді

"Біз оларды мопед сияқты қарастырамыз. Қазір толыққанды мопедке қойылатын талаптар қандай? Олар жолда жүреді, жүргізуші куәлігі болуы керек және толық заңдастырылуы қажет", – деді Ержан Саденов.

Оқыңыз

Қазақстанда мопед жүргізушілеріне қатысты жаңа ережелер күшіне енді Оқыңыз

Қазақстан мопедтерді пайдалануға қойылатын талаптарды күшейткеннен кейін курьерлер электрвелосипедтерге ауысты. Бір қауіптісі –электрвелосипедтер дыбыссыз, бірақ мопедтердің жылдамдығындай жүреді. Оның үстіне онымен тротуарлар мен жаяу жүргіншілер аймағында және жүргізуші куәлігінсіз басқарып жүр.

Мәселе премьер-министрге жетіп, ол ішкі істер министрлігінің басшысына мәселені реттеуді тапсырды. Елді мекендерден тыс жол қауіпсіздігіне қатысты ақылы жолдарда ғана емес, сонымен қатар аймақтық тас жолдарда да орташа жылдамдықты өлшеу жүйесін енгізу қажет екенін мәлімдеді.

"Орташа жылдамдықты тіркеу оң әсер етеді. Біз оның географиялық ауқымын кеңейтуіміз керек. Біз тек республика ішіндегі ақылы жолдармен шектелмеуіміз керек. Көлік министрлігі әкімдіктермен бірлесіп, аймақтық жолдарға тиісті камераларды орнату мәселесін шешуге тиіс", – деді премьер-министр Олжас Бектенов.