Қазақстанның кей аймақтарында алдағы күндері нөсер жауады

"Қазгидромет" 6-8 маусымға арналған ауа райы болжамын жариялады. Синоптиктердің мәліметінше, алдағы күндері Қазақстанның батысы мен солтүстігінде қатты жаңбыр жауып, найзағай ойнап, бұршақ түсуі мүмкін. Бұл туралы Stan.kz ақпарат агенттігі хабарлайды.

"Қазгидромет" синоптиктері 6-8 маусым аралығына арналған ауа райы болжамын жариялады. Мамандардың мәліметінше, батыс циклоны Қазақстанның басым бөлігіне әсерін сақтап, бірқатар өңірлерде найзағайлы жаңбыр, екпінді жел, дауыл және бұршақ жаууы мүмкін.

Қатты жауын-шашын 6-8 маусым күндері еліміздің батысында, 6 маусымда солтүстіктің шеткі аудандары мен оңтүстік-шығыста және 8 маусымда солтүстік-батыс өңірлерде болады.

Оқыңыз

Түркістан облысының билігі өңірде жасанды жаңбырды қалай жаудырғанын айтты Оқыңыз

Ал кезеңнің басында шығыс пен орталық өңірлерде жауын-шашынсыз ыстық ауа райы сақталады.

Күндізгі ауа температурасы:

• Батыста: +20…+30°C;
• Солтүстікте: +28…+35°C;
• Орталықта: +30…+38°C;
• Оңтүстікте: +35…+40°C;
• Оңтүстік-шығыста: +30…+39°C;
• Шығыста: +30…+37°C.

Синоптиктер тұрғындарға ауа райының күрт өзгеруіне байланысты сақтық шараларын ұстануға кеңес береді.

Еске салайық, бұған дейін "Қазгидромет" синоптиктері 2026 жылғы маусым айында Қазақстанның басым бөлігінде ауа температурасы климаттық нормадан 1-2 градусқа жоғары болатынын хабарлаған еді. Мамандардың болжамынша, оңтүстік және орталық өңірлерде жекелеген күндері аптап ыстық күшейіп, ауа температурасы +46°C-қа дейін жетуі мүмкін.