Бақытжан Сағынтаевтың 7 жылға сотталған экс-күйеу баласы бостандыққа шықты
Қаржы жымқырғаны үшін сотталған Qazaq Banki-нің бұрынғы акционері Бақыт Ибрагим бостандыққа шықты. Ал осы іске қатысы бар банкир Жомарт Ертаев жазасын әлі өтеп жатыр. Бұл туралы Stan.kz ақпарат агенттігі хабарлайды.
2020 жылдың қарашасында Ибрагим, Ертаев және банктер мен коммерциялық құрылымдардың бұрынғы қызметкерлері Bank RBK-дан 144 миллиард теңге ұрлағаны үшін кінәлі деп танылды. Ибрагим бастапқыда 8 жыл бас бостандығынан айырылды, бірақ апелляциялық шағым бойынша бұл мерзім 7 жылға дейін қысқарды.
Бақыт Ибрагим 2018 жылы Германияда ұсталып, ол жерден Қазақстанға экстрадицияланған. Қылмыстық-атқару жүйесі комитетінің мәліметінше, ол жазасын толық өтеген, өйткені оның тергеу изоляторында болған уақыты есепке алынған.
Бақыт Ибрагим – Бақытжан Сағынтаевтың үлкен қызы Меруерт Әбдірдің бұрынғы күйеуі.
Bank RBK ісі бойынша Жомарт Ертаев бастапқыда 11 жылға бас бостандығынан айырылса, кейін бұл мерзім 9 жылға дейін қысқартылды. 2021 жылы Ертаев үш банкте ұрлық және алаяқтық жасағаны үшін дәл осындай мерзімге сотталған. Ол бұл іске кәсіпкер Нұрлан Тілеубаевпен бірге қатысқан.
Ертаев 2018 жылы мамырда Мәскеуде ұсталып, кейін Қазақстанға экстрадицияланған. Түзету мекемесінің мәліметінше, ол Алматы қаласы, Алматы облысы және Жетісу облысы бойынша қылмыстық түзеу мекемесінің №72 мекемесінде жазасын өтеді.