Qarmet металлургиялық комбинатында сайлау учаскелері жұмысын бастады

Бүгін, 23 тамызда сағат 6:00-де Қазақстан Республикасының Мемлекеттік Әнұраны дәстүрлі түрде орындалғаннан кейін Qarmet металлургиялық комбинатының аумағында екі сайлау учаскесі өз жұмысын бастады.

Комбинаттағы өндіріс бір минутқа да тоқтаған жоқ. Бүгін ауысымда бір мезетте шамамен 4 700 металлург — болат балқытушылар, прокатшылар, энергетиктер, жөндеушілер және басқа да өндірістік бөлімшелердің қызметкерлері жұмыс істеп жатыр.

“Дауыс беру — біздің азаматтық борышымыз әрі еліміздің болашағы үшін жауапкершілігіміз. Біз өз жұмысымызға жауапкершілікпен қарауға үйренгенбіз және Қазақстанның одан әрі дамуына ықпал ететін таңдауға да дәл сондай жауапкершілікпен қарауды маңызды деп санаймыз”, — дейді металлургтер.

Qarmet шахтерлері де дауыс беруге белсенді қатысуда. Олар өз дауыстарын шахтерлер өңірінің қалаларындағы сайлау учаскелерінде беріп жатыр.

Үздіксіз өндірісте жұмыс істейтін қызметкерлер өздерінің сайлау құқығын кәсіпорын аумағынан шықпай-ақ жүзеге асыруы үшін Qarmet басшылығы екі сайлау учаскесінің жұмыс істеуіне қажетті барлық жағдайды жасады.

Дауыс беру кәсіпорынның ауысымдық жұмыс кестесін ескере отырып, күні бойы жүргізіледі.

Qarmet үшін бұл — 23 тамызда жұмыс орнында болып, еліміздегі ең ірі металлургиялық кәсіпорынның үздіксіз жұмысын қамтамасыз етіп отырған мыңдаған қызметкердің дауыс беруге мүмкіндік алуын қамтамасыз етудің маңызды қадамы.