Полицейлерге ақша береміз деген шымкенттік жезөкше жайлы жаңа деректер
Ғаламторда жарияланған видео арқылы көпшілік талқысына түскен 21 жастағы шымкенттік жезөкше Өзбекстан тумасы екені анықталды.
Бұл туралы 31 арна хабарлайды.
Ол төрт жылдан бері психоневрологиялық диспансер тізімінде тұрған. Егер оның тек жезөкшелікпен айналысып ақша табатын болса, оны елден жер аударады.
«Егер ол заңсыз түрде қызмет етіп жүрген болса, оны жер аударады. Қазақстанда заңды түрде жеңілдік арқылы немесе үй қызметінде, яғни жұмысшы қызметінде жұмыс істеуге болады. Ал, олай болмаған жағдайда оны жер аударуға тура келеді», – дейді заңгер Лилия Халиулина.
Бұған дейін жезөкше жасырын камераға Қалмахан атты полицейдің өздерінен ай сайын 5000 теңгеден алып тұратынын ашық айтқан еді. Келесі күні жеңгетайының бәрін айтып берген жезөкшені ұрған видеосы жарияланды.
Ал, Қалмахан Сайрамбаев есімді полицей жезөкшелерден ақша алмағанын, жезөкше қыздың оған қастандықпен солай істегенін айтады. Бірде ол жезөкше қызды өзіне қол жұмсағаннан кейін психоневрологиялық диспансерде көргенін де жеткізді. Қазір полиция майорына қатысты тергеу жұмыстары жүргізіліп жатыр.