Петропавл-Алматы бағытындағы Талго пойызында жолда өрт шықты
3 ақпанда Петропавл – Алматы бағытында жүретін Тальго жолаушылар пойызында өрт шықты деп хабарлайды Stan.kz ақпарат агенттігі.
Бұл туралы "Қазақстан темір жолы" ҰК" АҚ баспасөз қызметі мәлімдеді.
"Қарағанды облысының Аршалы-Анар учаскесінде Петропавл-Алматы бағытындағы No105/106 пойызының қозғалысы тоқтатылды. Пойызда 235 жолаушы болған, зардап шеккендер мен жарақат алғандар жоқ. Өрт сөндірілді", - делінген хабарламада.
Жолаушыларды тасымалдау және Алматы вокзалына жеткізу үшін Астанадан жеті купе және бір резервтік вагоннан тұратын бір реттік пойыз жөнелтілді.
Қазір "ҚТЖ" ҰК" АҚ арнайы құрылған комиссия оқиғаның себептерін анықтауда.
"Стандартты вагондардан белгіленген межелі станцияға пойызбен барған жолаушыларға жол ақысының айырмашылығы белгіленген тәртіпте төленеді", - делінген компанияның хабарламасында.
"Әліби, өмір сүр!": Тоқалымен көңіл жарастырған жігітті кәсіпкер Қайрат Жамалиев қалай азаптады
Екі ер адамның арасындағы жанжалдың себебі – кәсіпкердің көңілдесі Айнұр Исина
Алматы мен оның маңында 70 мың ағаш құлады: 2011 жылғы жойқын дауылдың қандай салдарын қала әлі күнге дейін сезіп отыр
Медеу мен оған жақын шатқалдарда мұндай күшті дауыл соңғы 100–200 жылда тіркелмеген