Сүт фермасындағы алты жұмысшының қазасына байланысты павлодарлық депутат ұсталды
Павлодар облыстық мәслихатының депутаты әрі Aqtogai Milk кәсіпорнының иесі Александр Терентьев алты жұмысшының қаза болуына байланысты ұсталды. Бұл туралы Stan.kz ақпарат агенттігі хабарлайды.
Қайғылы оқиға 20 шілдеде Павлодар облысының Ақтоғай ауданындағы кәсіпорын аумағында болған. Өндірістік жабдыққа техникалық қызмет көрсету кезінде алты адам қаза тапты.
Павлодар облысының полиция департаменті депутаттың ұсталғанын растады. Қазір осы факті бойынша сотқа дейінгі тергеу жүріп жатыр.
Іс бойынша барлығы үш күдікті ұсталған. Олар уақытша ұстау изоляторына қамалды.
Полиция әзірге істің басқа мән-жайын жариялаған жоқ.
Айта кетейік, бұған дейін Өскеменде 17 жастағы жұмысшы өндірісте қолынан айырылғаны туралы жазған едік.
"Мұғалімдер де боянбасын": Қазақстандық оқушылар мектептегі макияж бен сыртқы келбетке қойылған талаптарға қарсы шықты
Министрлік талаптардың орындалуы оқушының өзіне ғана емес, ата-анасына да қатысты екенін атап өтті
"Бір шелек алтын" үшін қырылған отбасы: Алты адам мен сәби азаппен өлтірілген қанды қылмыс туралы не белгілі
Қылмыскерлер мәйіттерді бір бөлмеде бірінің үстіне бірін үйіп өртеген