Павлодарда әйел нашар ана боламын деген оймен 9-қабаттан секірмек болды (видео)

Павлодарда әйел тоғызыншы қабаттан секірмек болды. Жергілікті полиция қызметкері оны шарасыз қадам жасаудан құтқарып қалды. Бұл туралы Stan.kz ақпарат агенттігі Астана арнасына сілтеме жасап хабарлайды. 

Фото: Видеодан скрин

Көшеден өтіп бара жатқан адам әйелдің секіргелі тұрғанын байқап, тәртіп сақшыларын шақырған. Полицияның мәліметінше, павлодарлық келіншек босанғаннан кейінгі күйзеліске ұшырап, дәрігерлерге қаралған.

• Алматыда көпқабатты үйдің терезесінен шығып, билеген қыз құлап көз жұмды

• "Уақытылы ескертпегендіктен адамдар терезеден секірді": Смайылов Алматыдағы жер сілкінісі туралы айтты

“Уақытты босқа өткізбей, әйелді қорқытып алмас үшін баспалдақпен тоғызыншы қабатқа көтерілдік. Онымен сөйлесіп, оның аты кім, қайдан екенін және мұндай әрекетке баруға не итермелегенін сұрадық. Одан қолын беруін өтіндім, ол  созды. Сосын оны кіреберіске қарай тарттық. Біздің қолымыздан ұстаған әйел өзінің жаман ана екенін және ешқашан жақсы ана бола алмайтынын айтты”, – деді Павлодар қаласының полиция қызметкері Әсет Құрманалиев. 

Айта кетейік, бұған дейін Астаналық қыз жоғарғы қабаттағы балкон төбесінен секірмек болғаны туралы жазған едік.