Павлодарда 15 жастағы жасөспірім 14-қабаттан құлап кетті
Павлодарда Назарбаев көшесінде орналасқан көпқабатты үйдің 14-қабатынан 15 жастағы оқушы құлап кетті, деп хабарлайды Stan.kz ақпарат агенттігі.
Қайғылы оқиға 25 қыркүйекте болған. Жасөспірім алған жарақаттарынан оқиға орнында көз жұмды.
"Аталған дерек бойынша тиісті тергеу шаралары жүріп жатыр. Сараптамалар тағайындалды. Оқиғаның мән-жайы мен себептері анықталып жатыр", – делінген Павлодар облысы полиция департаментінің хабарламасында.
Қайғылы оқиға болған көпқабатты үй – Павлодардағы 16 қабатты үш үйдің бірі. Мұнда жыл сайын адамдар биіктен құлап, мерт болады. Тұрғындардың сөзінше, 2021 жылдың қазанында Чокин көшесіндегі көрші тұрған 16 қабатты үйден 17 жастағы жасөспірім құлаған. Ал Назарбаев көшесіндегі үшінші үйден ер адам секіріп кеткен.
Айта кетейік, бұған дейін Таразда 14 жастағы жасөспірім 12-қабаттан секіріп кеткен еді. Ол өзіне қол салмас бұрын хат жазып қалдырған.
Талқылау
Халық елде жұмыс, үкімет 500 мыңға жұмыс істейтін адам жоқ дейді. Елде жоғары айлықты кімдер алады?
Жастар кеңседе отырғысы келеді, қол жұмысынан қашады
Алматыда шешек дерті өршіп тұр: Дәрігер ауру қалай тарайды және одан қалай қорғануға болатынын айтып берді
Маманның айтуынша, желшешектің көбеюіне маусым мен екпенің аздығы себеп