Соңғы жаңалықтар
Соңғы жаңалықтар

Әйелі жүкті болған: Павлодар облысында көз жұмған өрт сөндіруші жайлы жаңа деректер айтылды

Ақсу қаласында қайтыс болған өрт сөндіруші Арыстанбек Машраптың соңында жүкті әйелі қалды. Павлодар облысының төтенше жағдайлар министрлігі марқұмның отбасына барлық қажетті көмекті көрсетуге уәде берді, деп хабарлайды Stan.kz ақпарат агенттігі.

Төтенше жағдайлар департаменті марқұмның отбасына барып, көңіл айтты.

"Арыстанбектің ата-анасы, әпкесі, әйелі бар. Ол осы жылы тамызда үйленген. Әйелі екеуі тұңғыш баласын күтіп жүрген көрінеді. Біз бүгін отбасында болдық. Өрт сөндірушінің туыстары жерлеу кезінде де барлық көмек түрлерімен қамтамасыз етіледі және ол қайтыс болғаннан кейін де мемлекеттік сыйлыққа ұсынылады", - деді брифингте Павлодар облысы төтенше жағдайлар департаментінің бастығы Ернұр Өтегенов.

Ол оқиғаның мән-жайын да айтып берді.

"Өртеніп жатқан үйде біреудің қалғаны немесе қалмағаны туралы ақпарат болған жоқ. Сондықтан өрт сөндірушілер тез кіріп, үйде ешкім жоқ екеніне көз жеткізіп, өртті сөндіруі керек болды. Машрап Арыстанбек, сонымен қатар өрт сөндіруші Ермек Тұрлыбеков үйге кірген. Үй қою түтінге оранған. Олар кіргеннен кейін кіреберістің есігін жауып тұрған құрылымдар құлап, өрт сөндірушілер шыға алмай қалған. Арыстанбек арнайы маска киіп жүрген. Бірақ жағдайының нашарлауына көміртегі себеп болған. Ол пәтерден шыға алмады", - деді Өтегенов.

Оның айтуынша, полициямен бірге төтенше жағдайлар министрлігі де тергеу жүргізіп жатыр.

Өрт сөндірушінің барлық құралдары дұрыс жұмыс істеген.

"Күн сайын кезекшілік алдында өрт сөндіру бөлімінен шыққан кезде, оттегі бар баллондар тексеріледі, тіпті түтінді ортаға кіргенде де бәрі тексеріледі. Қарап тексергенде өрт сөндірушінің арнайы құралдары дұрыс жұмыс жасап тұрды. Алдын ала мәліметтер бойынша, олар мекемеде жарты сағаттай болған", - деді Өтегенов.

Оның айтуынша, өртті сөндіру кезінде 25 жастағы Ермек Тұрлыбеков та жарақат алған, ол жану өнімдерімен уланған.

Сонымен қатар, денсаулық сақтау басқармасының мәліметінше, жәбірленуші терісінің сегіз пайызы күйіп қалған. Қазір ол Павлодар қаласының 1 қалалық ауруханасының күйік бөлімінде жатыр.  Дәрігерлер оның жағдайын орташа ауыр деп бағалайды.

Естеріңізге сала кетейік, Ақсу қаласындағы тұрғын үйдегі өртті сөндіру кезінде екі өрт сөндіруші жарақат алып, біреуі қайтыс болды.  Қаза тапқандар - Ақсу қаласының 12-өрт сөндіру бекетінің командирі, азаматтық қорғау сержанты, 27 жастағы Арыстанбек Машрап. Өрт сөндірілген кезде өрт сөндірушінің денсаулығы нашарлап кеткені айтылды.

Белгілі болғандай, үйде жалғыз басты зейнеткер әжей тұрған. Ол өрттен зардап шеккен жоқ.  Қазір еріктілер әйелге көмектесу үшін ақша жинап жатыр.

 

Талқылау