Парламент Назарбаев басқаратын "Самұрық-Қазына" қорының басқару кеңесін таратып жіберді
Парламент бүгінге дейін тұңғыш президент Нұрсұлтан Назарбаев басқарып отырған "Самұрық-Қазына" қорын басқару жөніндегі кеңесті тарату туралы заң қабылдады. Бұл туралы Stan.kz ақпарат агенттігі хабарлайды.
"Ұлттық әл-ауқат қоры" туралы Қазақстан Республикасының 2012 жылғы 1 ақпандағы заңында көрсетілген "Қорды басқару жөніндегі" кеңестен 6-1-бап алынып тасталды", - делінген құжатта.
Назарбаев басқаратын консультативтік-кеңесші орган Қорды басқару кеңесі болды. Оның міндеттеріне, құжатқа сәйкес, қордың бәсекеге қабілеттілігін арттыру бойынша жұмыс, даму стратегиясын бекіту және ұлттық жобалар бойынша жұмыстың басым бағыттарын таңдау кіреді. Сонымен қатар ол Қордың тәуелсіз директорлары ретінде сайлауға кандидаттарды бекіте алады.
Сондай-ақ оларға сыйақы төлеу мөлшері мен шарттарын белгілей алады. Оның ұсынысы үкімет мүшесін немесе басқа лауазымды тұлғаны қор директорларына сайлауға негіз болады. Алдағы уақытта бірінші президент басқаратын кеңес таратылуы мүмкін.
Еске сала кетейік, бұған дейін Үкімет қаулысына сәйкес, қыркүйек айының соңында Назарбаев атындағы мектептер, университет және қордың жоғары қамқоршылық кеңесі мүшелерінің өкілеттіктері мерзімінен бұрын тоқтатылғаны туралы жазған едік.