Соңғы жаңалықтар
Соңғы жаңалықтар

Оралдағы 6 жасар қызды ұрлау әрекеті: Баланың ата-анасы оқиғаның қалай болғанын айтып берді

Оралда белгісіз ер адам аулада ойнап жүрген алты жасар қызды алып кетпек болған. Баланың ата-анасы оқиғаның егжей-тегжейін айтты, деп хабарлайды Stan.kz ақпарат агенеттігі. 

Еске салайық, 2 тамыз күні кешке Оралда көпқабатты үйдің ауласынан баланы ұрлау әрекеті бейнебақылау камерасының объективіне түсіп қалған еді. Әлеуметтік желіде тараған видеода ересек ер адамның қызға жақындағанын байқауға болады. Қысқа әңгімеден кейін ер адам қызды күшпен белгісіз жаққа әкетіп бара жатқан. Кейінірек кадрда басқа бір адам пайда болады, ол бейтаныс адамды тоқтатып, оны баладан итеріп жібереді.

Tengrinews.kz-тің мәліметінше, Күдікті анықталып, қамауға алынды. Қазір оқиғаның мән-жайы тексерілуде. Алты жасар қыздың ата-анасы әлі күнге дейін алаңдап отырғанын мойындайды.

"Осы оқиғадан кейін мен ұйықтай алмадым. Әлеуметтік желілерде болған оқиғаны талқылап жатыр. Сол кезде күйеуім екеуміз аулада едік. Берікжан ұлымен ойнап жүрді. Қызым достарымен жақын маңда болды. Кенеттен осы адам пайда болды. Ол қызымның шашынан ұстап, оны тез ауладан әкете бастады. Оны жаңа әткеншекке апаруға уәде беріпті. Не болуы мүмкін еді, сұмдық", - деді қыздың анасы Айнұр.

Қарт адамды баланың әкесі тоқтатқан. Ол шабуылдаушыға бірнеше соққы бергенін жасырмайды.

"Басында бұл адам менің баланың әкесі екенімді түсінбеді. Қызды қайда алып батқанын сұрағанда, серуендеуге деп жауап берді. Ер адам мас күйде болған. Біз полицияны шақырдық. Әйелім арыз жазды", - деді қыздың әкесі Берікжан.

63 жастағы қарт адамның туыстары оның зорлық-зомбылыққа бейімділігін байқамағанын айтады.

"Әкем ішеді, бірақ ол ешқандай жамандық жасамады. Қазір бәрі оны педофил деп атап жатыр. Ол ондай емес", - деді күдіктінің қызы.

БҚО полиция департаменті қазіргі уақытта оқиғаға қатысты сотқа дейінгі тергеу басталғанын атап өтті. Ер адамды түсініктеме алу үшін ұстаған, бірақ кейін босатып жіберді.

Талқылау
Пікір
Қазір оқып жатыр
Çàãðóçêà...
Қазір оқып жатыр