Оралда судья жұмыс орнында көз жұмды

Орал қалалық сотының тергеу судьясы Нұрлан Губашев жұмыс орнында қайтыс болды деп хабарлайды Stan.kz ақпарат агенттігі “Мой город” сайтына сілтеме жасап.

Ақпарат Батыс Қазақстан облысының полиция департаментінде расталды.

"Марқұмның денесінде зорлық-зомбылық белгілері жоқ", – делінген хабарламада.

Облыстық денсаулық сақтау басқармасының хабарлауынша, қоңырау сағат 9:48-де түсті.

"1968 жылғы ер адам кенеттен жұмыс орнында ауырып қалды. Жедел жәрдем шақырған адамның сөзінен ер адам есінен танып,құлап қалды", – делінген хабарламада.