Оңтүстікте бір сағатқа ұзақ: Қазақстанда ораза ұзақтығы өңірге қарай өзгереді
Ғылым магистрі, бастапқы деректерді қорытындыға айналдыратын деректерді талдау маманы Нұрасыл Әбдіразақұлы Қазақстанның әр өңірінде адамдардың қанша уақыт ораза ұстайтынын есептеп көрген. Бұл туралы Stan.kz ақпарат агенттігі хабарлайды.
Ол талдауды 2026 жылғы 20 ақпанда жүргізген. Талдау нәтижесіне сәйкес, ел аумағында ораза ұзақтығы 10 сағат 10 минуттан 11 сағат 10 минутқа дейін өзгерген.
Зерттеу нәтижесі оңтүстік өңірлерде тұратын адамдардың солтүстік аймақтарға қарағанда шамамен бір сағатқа жуық ұзақ ораза ұстайтынын көрсетті. Мұндай айырмашылықтың негізгі себебі – географиялық ендік.
Маманның айтуынша, Қазақстан аумағының өте кең болуы күннің шығуы мен батуы арасындағы уақыт айырмасын ұлғайтады. Соның әсерінен бір күннің өзінде елдің әр бөлігінде ораза уақыты айтарлықтай өзгеше болуы мүмкін.
Осылайша, ол Рамазан айындағы құлшылық уақыты күнтізбелік күнге ғана емес, өңірдің географиялық орналасуына да тікелей байланысты екенін анықтады.
Қазақстан мұсылмандары үшін биыл Рамазан айы 19 ақпанда басталды. 16-сынан 17-сіне қараған түні Қадір түні өтеді. Ал 20 наурыз – Ораза айт мерекесі.
Айта кетейік, бұған дейін имам Рамазан айында қазақстандық ерлер жиі жіберетін қатені атаған еді.
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
